చేతులు కలిపిన దేవినేని ఉమా, బొమ్మసాని సుబ్బారావు

తాజాగా అలాంటి ఓ కలయిక.. ఉమ్మడి కృష్ణా జిల్లా రాజకీయాల్లో చోటు చేసుకుంది. మైలవరం నియోజకవర్గంలో గ్రూపు రాజకీయాలు ఎక్కువే అని ఆ ప్రాంతంలోని ఏ పార్టీ నాయకుడిని అడిగినా చెప్పేస్తారు. టీడీపీలో అగ్రనేతగా కొనసాగుతున్న దేవినేని ఉమామహేశ్వరరావు మైలవరం నియోజకవర్గానికి చెందిన వారే.. ఆయన కూడా ఈ గ్రూపు రాజకీయాలను కట్టడి చేయలేకపోతున్నారు. దేవినేని ఉమా వర్గంతో.. బొమ్మసాని సుబ్బారావు వర్గం సై అంటే సై అన్నట్లుగా సాగుతూ ఉంటుంది. వైసీపీ నుంచి సిట్టింగ్ ఎమ్మెల్యే వసంత కృష్ణప్రసాద్ కూడా టీడీపీలోకి రావడంతో మైలవరం రాజకీయం ఊహించని మలుపు తిరిగింది. ఇలాంటి పరిస్థితుల్లో మైలవరంలో కలిసి పనిచేస్తామని దేవినేని ఉమా, బొమ్మసాని సుబ్బారావు ప్రకటించారు. లోకేశ్ పాల్గొనే శంఖారావం సభను విజయవంతం చేసేందుకు కృషి చేస్తామని ఇద్దరూ కలిసి ప్రకటన చేయడంతో టీడీపీ క్యాడర్ లో జోష్ కనిపిస్తూ ఉంది. బాబు ష్యూరిటీ భవిష్యత్ కు గ్యారెంటీ సభలోనూ కలిసి పాల్గొంటామని స్పష్టం చేశారు.