Chandrababu : సంక్షేమ పథకాలను చంద్రబాబు వాయిదాకు అసలు కారణం అదేనట

ఆంధ్రప్రదేశ్ ముఖ్యమంత్రి చంద్రబాబు నాయుడు ఢిల్లీ టూర్ పై అందరూ ఆసక్తిగా గమనిస్తున్నారు. ఈసారి రాష్ట్రానికి ఎంత వరకూ నిధులు తేగలరు అన్న అంశంపైనే టీడీపీలోనూ, ఇటు విపక్ష వైసీపీలోనూ చర్చ జరుగుతుంది. చంద్రబాబు నాయుడు ముఖ్యమంత్రిగా ప్రమాణ స్వీకారం చేసిన తర్వాత మూడోసారి ఢిల్లీ వెళ్లారు. ప్రధాని నరేంద్ర మోదీని, మరికొందరు కేంద్ర మంత్రులను నేడు కలవనున్నారు. అయితే ప్రధానంగా నిధులకన్నా గత ప్రభుత్వం చేసిన రుణాలను రీషెడ్యూల్ చేయాలని చంద్రబాబు కేంద్ర ప్రభుత్వాన్ని కోరేందుకే ప్రత్యేకంగా ఈ హస్తిన పర్యటనను పెట్టుకున్నట్లు సమాచారం. రుణాల రీ షెడ్యూల్ జరిగితే కొంత వరకూ రాష్ట్రం మీద ఆర్థిక భారం పడకుండా వెసులుబాటు ఉంటుందని ఆయన ఆలోచిస్తున్నారు.