Balineni : బాలినేని ఇలా అడ్డం తిరిగారే.. ఇక వైసీపీలోకి నో ఎంట్రీయేనా?

అయితే జనసేనలో తాను చేరి ఏ పదవి కోరుకోవడం లేదని బాలినేని శ్రీనివాసులు రెడ్డి చెబుతున్నారు. అదే సమయంలో ఆయనకు ఎమ్మెల్సీ పదవి వస్తుందన్న ప్రచారం జరుగుతుంది. కానీ దానిని బాలినేని కొట్టిపారేస్తున్నారు. తనకు ఏ పదవి అవవసరం లేదని చెబుతున్నారు. అయితే అదానీతో జరిగిన ఒప్పందంలో తనకు ప్రమేయం లేదని బాలినేని చెబుతున్నారు. తన చేత బలవంతంగా సంతకాలు చేయించేందుకు అర్ధరాత్రి ప్రయత్నించారని, అయితే తాను కేబినెట్ అనుమతికి పంపడంతోనే దానిని ఆమోదించారని, తన డిజిటల్ సైన్ ను కూడా వైసీపీ నేతలు చేసి ఈ అవినీతిలో వాళ్ల తప్పు లేదని నిరూపించుకునే అవకాశముందని బాలినేని బహిరంగంగానే చెబుతున్నారు.

అదేసమయంలో చెవిరెడ్డి భాస్కర్ రెడ్డి చేసిన విమర్శలపై కూడా బాలినేని తీవ్రంగా విమర్శలను బాలినేని చేశారు. ఇటీవల జరిగిన ఎన్నికల్లో చెవిరెడ్డి ఒంగోలు ఎంపీ అభ్యర్థిగా పోటీ చేశారు.అయితే బాలినేని మాగుంటకు ఇవ్వాలని చెప్పినా అందుకు జగన్ వినలేదు. చెవిరెడ్డికి ఇవ్వడంతో బాలినేని అయిష్టంగానే ఒప్పుకున్నారు. చివరకు చెవిరెడ్డి ఓటమిపాలయ్యారు. అయితే ఈ విషయంలో చెవిరెడ్డి మీద తీవ్ర స్థాయిలో బాలినేని విరుచుకుపడ్డారు. అదానీతో ఒప్పందానికి తనకు ఎలాంటి సంబంధం లేదని తేల్చిచెప్పడంతో పాటు జగన్ వైపు వేలెత్తి చూపారు. జగన్ కాళ్లు పట్టుకున్న వ్యక్తి చెవిరెడ్డి బాస్కర్ రెడ్డిపై బాలినేని ఫైర్ అవ్వడం చూస్తుంటే వైసీపీని టార్గెట్ చేసినట్లే కనిపిస్తుంది.

బాలినేనిశ్రీనివాసులురెడ్డి జనసేనలో చేరినప్పటికీ ఆయన కుమారుడు వైసీపీలో ఉండి వచ్చే ఎన్నికల్లో పోటీ చేసే విధంగా ఆలోచన చేస్తున్నట్లు ప్రచారం జరిగింది. అయితే తాజాగా జరుగుతున్న పరిణామాలు ఆయన కుమారుడు వైసీపీ ఎంట్రీకి అడ్డం పడ్డాయనే చెప్పాలి. అందుకే బాలినేని కుటుంబాన్నిఇక భవిష్యత్ తో వైసీపీ అధినేత జగన్ దగ్గరకు తీయకపోవచ్చన్న విశ్లేషణలు వెలువడుతున్నాయి. వచ్చే ఎన్నికల్లోనూ వైసీపీ కొత్త నేతకు ఒంగోలు నియోజకవర్గం టిక్కెట్ కోసం సరైన అభ్యర్థిని వెదుకులాడాల్సి ఉంటుంది. బాలినేని పార్టీకి దూరం కావడంతో ఆయన ప్లేస్ కోసం అనేక మంది వైసీపీ లో పోటీ పడుతున్నారు. మరి బాలినేని కుటుంబానికి మాత్రం ఫ్యాన్ పార్టీలో దారులు మూసుకుపోయినట్లేనని చెబుతున్నారు.