Fengal Cyclone : సముద్రం అల్లకల్లోలం.. కోతకు గురైన ఇళ్లు

ఫెంగల్ తుఫాను ప్రభావంతో పుదుచ్చేరి, తమిళనాడు, ఏపీలో భారీ వర్షాలు కురుస్తున్నాయి. పుదుచ్చేరిలోని రెయిబ్ బో నగర్ వరద నీటిలో మునిగిపోయింది. ఇళ్లల్లోకి నీళ్లు చేరడంతో స్థానికులు ఇబ్బందులు పడుతున్నారు. అటు తమిళనాడులో సైతం వర్షబీభత్సం కొనసాగుతోంది. చెన్నై సహా 6 జిల్లాలకు రెడ్ అలర్ట్ జారీ చేశారు. ఏపీలోని నెల్లూరు, తిరుపతి, చిత్తూరు, అన్నమయ్య, కడప, సత్యసాయి జిల్లాలకు ఎల్లో అలర్ జారీ చేశారు. ప్రజలు అప్రమత్తంగా ఉండాలని సూచించారు. రెండు రోజుల పాటు భారీ వర్షాలు పడతాయని వాతావరణ శాఖ అధికారులు తెలిపారు.