రైతుల పాదయాత్రపై ఈ దండయాత్ర ఏంటి?

ఈ దండయాత్ర ముఖ్యమంత్రి డైరెక్షన్ లోనే జరుగుతుందన్నారు. ప్రశాంతంగా ఉండే ఉత్తరాంద్ర చిక్కుల్లో పడే అవకాశముందని చెప్పారు. ప్రజలు ఆలోచించాలని కోరారు. అభివృద్ధి ఈ మూడున్నరేళ్లలో ఏమీ లేదని, సంక్షేమం కూడా ఉత్తుత్తిదేనని ఆయన అన్నారు. మూడు రాజధానుల పేరుతో మంత్రులను ఉసిగొల్పి సమస్యలను పక్కదోవ పట్టించేందుకు ప్రయత్నాలు జరుగుతున్నాయన్నారు. కోర్టు చెప్పినా పట్టించుకోవడం లేదని అన్నారు. పదవులు ఊడిపోతాయనే మంత్రులు ఈ విధమైన చర్యలకు దిగుతున్నారని ఆయన మండిపడ్డారు. మూడేళ్ల నుంచి గిరిజన యూనివర్సిటీ ఏమయిందని ఆయన ప్రశ్నించారు. జీవో నెంబరు 3ని పట్టించుకున్నారా? అని నిలదీశారు. ఐటీడీఏకి ఎంతమేరకు నిధులు ఇచ్చారని ఆయన ప్రశ్నించారు.