బాబు పబ్లిసిటీ పిచ్చి 8మందిని బలి తీసుకుంది

చంద్రబాబు ఉద్దేశ్యపూర్వకంగానే ఇరుకు రోడ్డులో సభ పెట్టారని ప్రభుత్వ సలహాదారు సజ్జల రామకృష్ణారెడ్డి అన్నారు. వంద అడుగుల రోడ్డును ఫ్లెక్సీలు కట్టి ముప్ఫయి అడుగుల రోడ్డుగా మార్చారు. ఇరువైపు ఫ్లెక్సీలు కట్టి ఇరుకుగా మార్చారన్నారు. జనం ఎక్కువగా వచ్చారని పబ్లిసిటీ ఇచ్చుకునేందుకే ఈ విధంగా వ్యవహరించారన్నారు. ఇంత జరిగాక, ఇంతమంది చనిపోయాక కనీసం పశ్చాత్తాపం లేదని సజ్జల అన్నారు. ఈ ఘటన నుంచి సానుభూతి పొందాలని ప్రయత్నిస్తున్నారు తప్పించి చంద్రబాబు మరొకటి కాదని అన్నారు. నిబంధనలను కూడా పాటించలేదన్నారు. తాను అనుకున్నదే జరగాలని చంద్రబాబు భావిస్తారని, అందుకు పరాకాష్ట కందుకూరు ఘటన అని సజ్జల అన్నారు.