Mon Nov 25 2024 09:56:04 GMT+0000 (Coordinated Universal Time)
బీజేపీని చూస్తే జాలేస్తుంది
చంద్రబాబు అజెండా పట్టుకుని సభ పెట్టడాన్ని చూస్తే బీజేపీ పట్ల జాలేస్తుందని సలహాదారు సజ్జల రామకృష్ణారెడ్డి అన్నారు
చంద్రబాబు అజెండా పట్టుకుని సభ పెట్టడాన్ని చూస్తే బీజేపీ పట్ల జాలేస్తుందని ప్రభుత్వ సలహాదారు సజ్జల రామకృష్ణారెడ్డి అన్నారు. చంద్రబాబు తన గేమ్ లో అందరీని ఉపయోగించుకుంటారన్నారు. ప్రాంతీయ పార్టీకి అనుబంధంగా జాతీయ పార్టీ పనిచేయడం ఇదే తొలిసారి కావచ్చన్నారు. టీడీపీ అనుబంధ విభాగం మాదిరి బీజేపీ పనిచేస్తుందని సజ్జల రామకృష్ణారెడ్డి తెలిపారు. బహిరంగ సభలో వారు చేసిన ప్రసంగాలను చూసి నవ్వొస్తుందన్నారు. చంద్రబాబు అనుకున్న విధంగానే ఎవరి పాత్రలను వారు పోషించి వెళ్లారని సజ్జల రామకృష్ణారెడ్డి అన్నారు.
స్క్రిప్ట్ అంతా అక్కడి నుంచే....
ముందు సునీల్ దేవధర్ ఉంటారని, వెనక సోము వీర్రాజు ఉంటారన్నారు. అలాగే సోము వీర్రాజు మాట్లాడే స్క్రిప్ట్ ఎన్టీఆర్ ట్రస్ట్ భవన్ నుంచి వస్తుందన్నారు. బాబు సేనాధిపతులు సీఎం రమేష్, సుజనా చౌదరిలు బీజేపీలో చంద్రబాబు అజెండాను అమలు చేస్తున్నారన్నారు. వాళ్లే రాజధానిలో కుంభకోణాలు జరిగాయని చెప్పి అక్కడే రాజధానిని నిర్మిస్తామని చెప్పడం వీరికే చెల్లిందన్నారు. కర్నూలుకు హైకోర్టు ఇస్తామని రాయలసీమకు వెళ్లినప్పుడు చెబుతారని, మరి విశాఖకు ఏం ఇస్తారో చెప్పాలని సజ్జల రామకృష్ణారెడ్డి డిమాండ్ చేశారు.
Next Story
