Amaravathi : రాజధానిలో కేంద్ర ప్రభుత్వ సంస్థలు ఏర్పాటుకు ప్రక్రియ ప్రారంభం

రాజధాని అమరావతి పునర్నిర్మాణంపై రాష్ట్ర ప్రభుత్వం దృష్టి పెట్టింది. అమరావతిలో కేంద్ర ప్రభుత్వ సంస్థలు ఏర్పాటు చేసేలా ప్రయత్నాలు మొదలు పెట్టింది. 2014- 2019 మధ్య కాలంలో భూమి కేటాయించిన సంస్థలతో సీఆర్డీఏ సంప్రదింపులు ప్రారంభించింది. ప్రణాళికలు చెప్పాలంటూ సీఆర్డీఏ అధికారుల నుంచి ఆయా సంస్థలకు ఫోన్లు చేసి అడుగుతున్నారు. తమకు కేటాయించిన స్థలాలు చూపించాలని కొన్ని సంస్థలు కోరాయని చెబుతున్నారు. రాజధానిలో స్థలాలు చూశాక తదుపరి నిర్ణయం తీసుకుంటామని కొన్ని సంస్థలు చెబుతున్నట్లు సీఆర్డీఏ అధికారులు చెబుతున్నారు. గత తెలుగుదేశం పార్టీ హయాంలో కేంద్ర సంస్థలకు, బ్యాంకులకు రాజధాని అమరావతిలో భూములను కేటాయిస్తూ నిర్ణయం తీసుకుంది.