Andhra Pradesh : పింఛను అనర్హుల గుర్తింపునకు మార్గదర్శకాలివేనట

గత ప్రభుత్వంలో జరిగిన లోటుపాట్లను దిద్దేందుకు ప్రయత్నాలను ప్రారంభించడానికి సిద్ధమయింది. పింఛను అర్హులైన వారికే మంజూరు చేయాలని, తద్వారా ప్రభుత్వ సొమ్మును ఆదా చేయాలని సర్కార్ భావిస్తుంది. అనర్హులకు పింఛను ఇవ్వడం వల్ల ప్రయోజనం లేదని భావించి పింఛను లబ్దిదారుల అనర్హుల ఏరివేతకు ఆంధ్రప్రదేశ్ ప్రభుత్వం మార్గదర్శకాలను రూపొందించింది. ఈ మేరకు అధికారులు ఏపీలో కసరత్తులు ప్రారంభించారు. పింఛన్ల తనిఖీ కోసం ప్రత్యేక యాప్ ను ఉపయోగించనున్నారు. రవాణా శాఖ, కేంద్ర సర్వీసులకు సంబంధించిన వివిధ శాఖల నుంచి అవసరమైన డేటాను తెప్పించుకుని పరిశీలిస్తారు. అనర్హులు ఎవరు? అర్హులు ఎవరనేది త్వరలోనే జాబితాను గ్రామ, వార్డు సచివాలయాల్లో బహిరంగంగా ఉంచుతారు. అభ్యంతరాలు ఎవరికైనా ఉంటే గ్రామ సభలు నిర్వహించినప్పుడు అనర్హులుగా గుర్తించిన వారు తిరిగి దరఖాస్తు చేసుకునే వీలుంది. అనర్హులకు నోటీసులు కూడా పంపనున్నారు. అభ్యంతరాలు స్వీకరించిన తర్వాత మరోసారి అర్హుల పూర్తి జాబితాను ప్రకటించనున్నారని తెలిసింది. మొత్తం మీద ఏపీలో పింఛను లబ్దిదారుల అనర్హుల ఏరివేత ప్రారంభమయింది.