గ్రూపు -1 ఇంటర్వ్యూలకు హైకోర్టు గ్రీన్ సిగ్నల్

ఏపీపీఎస్సీ తరుపున న్యాయవాది తమ వాదనలను విన్పిస్తూ రాజ్యాంగ బద్ద సంస్థకు దురుద్దేశ్యాలు అంటగట్టడం సరికాదన్నారు. ఇంటర్వ్యూ రాలేదని ఇతరులపై ఆరోపించడం తగదన్నారు. ఇలా అయితే ఏ పరీక్షా కూడా తుది దశకు చేరుకోలేదని ఆయన న్యాయమూర్తికి విన్నవించారు. సర్వీస్ కమిషన్ నిబంధనల ప్రకారం రీకౌంటింగ్ చేయవచ్చు కాని, రీ వాల్యుయేషన్ కు వీలులేదని చెప్పారు. పేపర్లు దిద్దిన వారిలో ప్రొఫెసర్లు, అసోసియేట్ ప్రొఫెసర్లు ఉన్నారని వివరించారు. యూనివర్సిటీలకు లేఖలు రాస్తే వీసీలే వాల్యుయేషన్ కు ఎంపిక చేశారన్నారు. ఇంటర్వ్యూ ప్రక్రియను నిలువరించాల్సిన అవసరం లేదని తెలిపారు. అయితే దీనిపై కౌంటర్ దాఖలు చేయాలని హైకోర్టు కోరింది. కౌంటర్ దాఖలు చేస్తామని, జవాబు పత్రాలు, రికార్డులను కూడా కోర్టు ముందు ఉంచుతామని ఏపీపీఎస్సీ తరుపున న్యాయవాది చెప్పారు. అయితే తాజాగా ఇంటర్వ్యూలకు హైకోర్టు అనుమతించింది.