పిన్నెల్లి గెలుపును ఎవరూ ఆపలేరు : కాసు మహేష్ రెడ్డి

టీడీపీ హయాంలోనే పిన్నెల్లి రామకృష్ణారెడ్డి ఎమ్మెల్యేగా గెలిచిన విషయాన్ని మర్చిపోయారా? అని ప్రశ్నించారు. పిన్నెల్లిని కావాలనే టార్గెట్ చేస్తూ ఒక ఆయన వ్యక్తిత్వాన్ని హననం చేసే ప్రయత్నం చేశారన్నారు. అనేక గ్రామాల్లో రిగ్గింగ్ జరిగిందని తాము ఆరోపిస్తున్నా ఎందుకు రీపోలింగ్ కు ఆదేశాలు ఇవ్వడం లేదని కాసు మహేష్ రెడ్డి ఎన్నికల కమిషన్ ను ప్రశ్నించారు. రిగ్గింగ్ జరిగిందని తాము చెబుతుంటే ఆ వీడియోలు ఎందుకు విడుదల చేయడం లేదని ప్రశ్నించారు. పిన్నెల్లి తప్పు చేశారంటూ జరుగుతున్న ప్రచారంలో వాస్తవం లేదన్నారు. పిన్నెల్లి గెలుపును ఎవరూ ఆపలేరని కాసు మహేష్ రెడ్డి తెలిపారు.