మచిలీపట్నం పోర్టు పై తీర్పు రిజర్వ్

మచిలీపట్నం పోర్టు నిర్మాణానికి అవసరమైన భూములను ప్రభుత్వం అప్పగించకుంటే ఎలా పూర్తి చేస్తామని నవయుగ సంస్థ తరుపున న్యాయవాదులు వాదించారు. తమకు భూములను అప్పగించడంలో ప్రభుత్వం విపలమయిందని పేర్కొన్నారు. మొత్తం భూములను ఒకేసారి అప్పగించాల్సిన బాధ్యత ప్రభుత్వంపై ఉందని తెలిపారు. మొత్తం భూమిని ఒకేసారి అప్పగించాల్సిన అవసరం లేదని, నవయుగ సంస్థ ఒప్పందం ప్రకారం షరతులను ఉల్లంఘించిందని ప్రభుత్వం తరుపున న్యాయవాది తెలిపారు. నిబంధనలను ఉల్లంఘిస్తే ఒప్పందాన్ని రద్దు చేసుకునే అధికారం ప్రభుత్వానికి ఉందని ఆయన తెలిపారు. మధ్యంతర ఉత్తర్వులు జారీ చేయవద్దని కోరారు. దీనిపై ఇరువరి వాదనలను విన్న ధర్మాసనం తీర్పును రిజర్వ్ చేసింది.