Breaking : చంద్రబాబు కు బెయిల్

స్కిల్ డెవలెప్‌మెంట్ స్కామ్ కేసులో టీడీపీ అధినేత చంద్రబాబు మధ్యంతర బెయిల్ పిటీషన్ పై హైకోర్టు తీర్పు వెలువరించింది. మధ్యంతర బెయిల్ ఇచ్చేందుకు న్యాయస్థానం సుముఖత వ్యక్తం చేసింది. నాలుగు వారాల పాటు బెయిల్ ను మంజూరు చేసింది. కంటి శస్త్ర చికిత్స ఇప్పుడు అవసరం అన్న వాదనను పరిగణనలోకి తీసుకుంది. దీంతో ఆయనకు హైకోర్టులో ఊరట లభించింది. చంద్రబాబు ఈ కేసులో తనకు మధ్యంతర బెయిల్ ఇవ్వాలంటూ వేసుకున్న పిటీషన్ పై విచారణ పూర్తయిన సంగతి తెలిసిందే. రెగ్యులర్ బెయిల్ విచారణ నవంబరు పదో తేదీకి వాయిదా వేసింది. ఈ ఏడాది సెప్టంబరు తొమ్మిదో తేదీన చంద్రబాబు స్కిల్ డెవలెప్‌మెంట్ స్కామ్ కేసులో అరెస్లయ్యారు.