ఏపీలో నేడు చేతులు మారనున్న కోట్ల రూపాయలు

బెట్టింగ్.. కాదేదీ బెట్టింగ్ కు అనర్హం అని ఊరికే అంటారా చెప్పండి. ఈరోజు ఏపీలో భారీగా డబ్బులు చేతులు మారనున్నాయి. ఇంతకూ ఈ బెట్టింగ్ కు కారణం ఆస్ట్రేలియా-ఇండియా మ్యాచ్ అనుకుంటూ ఉన్నారేమో!! అదేదీ కాదు. అంతకంటే ముందు మొదలయ్యే తెలంగాణ ఎన్నికల కౌంటింగ్. తెలంగాణ ఎన్నికల్లో కాంగ్రెస్-బీఆర్ఎస్ మధ్య హోరాహోరీ పోటీ ఉండడంతో భారీ ఎత్తున ఏపీలో బెట్టింగ్ జరుగుతూ ఉంది. తెలంగాణ ఎన్నికల్లో గెలిచే వ్యక్తులకు సంబంధించి మాత్రమే కాకుండా.. పలు ప్రముఖ నియోజకవర్గాల్లో ఎవరు గెలుస్తారా అనే విషయంలో భారీ బెట్టింగ్ లు సాగుతూ ఉన్నాయి. తెలంగాణ రాజకీయాలు, ఎన్నికలపై ఏపీలో జోరుగా బెట్టింగ్‌ జరుగుతోంది. తెలంగాణలో బీఆర్‌ఎస్‌ పార్టీ ఖచ్చితంగా హ్యాట్రిక్‌ కొడుతుందని కొందరు ఆ పార్టీ మీద బెట్టింగ్ వేశారు. కాంగ్రెస్‌ సంచలనం సృష్టిస్తుందని మరికొందరు పందెం వేశారు.