Andhra Pradesh : ఇంకా ఎంత కాలం జగన్ పై నెపం నెడతారు?

ఆంధ్రప్రదేశ్ లో కొత్త ప్రభుత్వం ఏర్పడి మూడు నెలలు కావస్తుంది. మంత్రి వర్గం ఏర్పడింది. అధికారుల బదిలీలు జరిగాయి. పాలన అంతా ప్రారంభమయింది. అమరావతి నిర్మాణం కోసం చంద్రబాబు అనేక ప్రణాళికలను రచిస్తున్నారు. అయితే ఇప్పుడు ఏం జరిగినా అది జగన్ ప్రభుత్వంలో జరిగిన లోపాల వల్లనేనంటూ చెప్పడం ముఖ్యమంత్రి చంద్రబాబు వంతయింది. జగన్ వ్యవస్థలను నాశనం చేశాడని, ఒక్కోదాన్ని సరిచేసుకుంటూ వెళుతున్నామని చెబుతున్నారు. అయితే అధికారంలో ఉన్న పార్టీ ఇంకా ప్రతిపక్ష పార్టీలపై విమర్శలు చేస్తూ గత ప్రభుత్వం చేసిన నిర్వాకం అంటూ నెపాన్ని నెట్టేందుకు ప్రయత్నం చేస్తుంటే ప్రజలు ఏ మేరకు హర్షిస్తారన్న ప్రశ్న తలెత్తుతుంది.