Train Accident : రైలు ప్రయాణమంటేనే భయం... 14 మందికి చేరిన మృతుల సంఖ్య

సిగ్నలింగ్ వ్యవస్థ సక్రమంగా లేకపోవడం కారణంగానే ఈ ప్రమాదం చోటు చేసుకుందని అధికారులు ప్రాధమికంగా నిర్ధారించారు. ఒక ట్రాక్ పైకి రెండు రైళ్లు దూసుకు రావడం అంటే సిగ్నలింగ్ వ్యవస్థలో లోపమేనని చెబుతున్నారు. ప్రయాణికుల నుంచి ముక్కుపిండి ఛార్జీలు వసూలు చేస్తున్న రైల్వే శాఖ రైల్వే భద్రతపై ఏ మాత్రం శ్రద్ధ పెట్టడం లేదు. దేశంలో ఏదో ఒక ప్రాంతంలో ఒక చోట రైళ్లు ఢీకొంటూనే ఉన్నాయి. దీంతో రైలు ప్రయాణమంటేనే భయమేస్తుంది. ఒక పట్టాలపైకి రెండు రైళ్లు దూసుకురావడం అనేది ఖచ్చితంగా సిగ్నలింగ్ వ్యవస్థ లోపమేనని రైల్వే శాఖకు చెందిన మాజీ అధికారులు చెబుతున్నారు.

ప్రమాదం జరిగిన సమయంలో రాయగడ రైలుకు చెందిన రైలును కొన్ని బోగీలు గూడ్సు రైలును ఢీకొన్నాయి. రెండు ప్యాసింజర్ రైళ్లతో పాటు గూడ్స్ రైలుకు చెందిన ఏడు బోగీలు నుజ్జునుజ్జుగా మారిపోయాయి. ఒక్క పలాస - రాయగడ ప్యాసింజర్ రైలులోనే పథ్నాలుగు మంది ప్రయాణికులు ఉన్నట్లు చెబుతున్నారు. ప్రమాద స్థలి గ్రామాలకు దూరంగా ఉండటంతో సహాయక చర్యలు కూడా ఆలస్యంగా ప్రారంభం కావడంతో కొందరు చికిత్స సరైన సమయంలో అందక మరణించినట్లు చెబుతున్నారు. ప్రమాదంలో మృతి చెందిన వారి కుటుంబాలకు పది లక్షల సాయం రాష్ట్ర ప్రభుత్వం ప్రకటించింది. ప్రధాని నరేంద్ర మోదీ ఈ ఘటనపట్ల దిగ్భ్రాంతి వ్యక్తం చేశారు.