Janasena Party : ఎదుటి వాడికి చెప్పేటందుకే నీతులు ఉన్నాయా? సామీ

యధా రాజా తథా ప్రజా అనేది నానుడి. అలాగే నాయకుడు ఎలా ఉంటే కిందిస్థాయి నేతలు కూడా అలాగే ఉంటారు. యధా రాజా.. తథా క్యాడర్ అని అనుకోవచ్చు. ఉప ముఖ్యమంత్రిగా పవన్ కల్యాణ్ తరచూ అనే మాట తోలు తీసి కింద కూర్చోబెడతా.. అయితే ఈ కామెంట్స్ వైసీపీ నేతలను ఉద్దేశించి చేసినవి. కడప జిల్లాలో ఎంపీడీవో పై వైసీపీ నేత ఒకరు దాడి చేయడంతో ఆయనను పరామర్శించడానికి కడపకు వెళ్లిన పవన్ కల్యాణ్ ఈరకమైన వార్నింగ్ ఇచ్చారు. అధికారంలో లేకపోయినా, పదకొండు సీట్లు వచ్చినా ఇంకా పొగరు తగ్గలేదని, దానిని అణిచివేస్తామని కూడా పవన్ హెచ్చరించారు. అధికారుల జోలికి వస్తే ఊరుకునేది లేదని, తాము అండగా ఉంటామని ఆయన హెచ్చరించి వచ్చేశారు.