భూసేకరణలో పెద్దయెత్తున అవినీతి : నాదెండ్ల

భూసేకరణ పేరుతో 35,141 కోట్ల రూపాయల అవినీతి జరిగిందని నాదెండ్ల మనోహర్ తెలిపారు. ఈ కాలనీల ద్వారా లబ్ది పొందింది జగన్, వైసీపీ ప్రజాప్రతినిధులు మాత్రమేనని ఆయన పేర్కొన్నారు. ముఖ్యమంత్రి జగన్ శానసనసభలో చెప్పిన లెక్కలకు, వాస్తవ పరిస్థితికి పొంతన లేదన్న నాదెండ్ల గుంటూరు జిల్లాలో జగనన్న కాలనీలో పెద్దయెత్తున అవినీతి జరిగిందన్నారు. ఈ కుంభకోణంలో అవినీతికి పాల్పడిన ఎవరినీ వదిలి పెట్టబోమని నాదెండ్ల హెచ్చరించారు. బురదల్లో, కొండల్లో ఊరి చివర శ్మశానాల వద్ద భూములు ఇచ్చి, అక్కడ కాలనీలను నిర్మిస్తామంటే ప్రజలు ఆందోళన చెందారన్నారు. అందుకే చాలా మంది లబ్దిదారులు తమకు ఇళ్ల స్థలాలు వద్దని తెలిపారని అన్నారు. భూసేకరణపై సమగ్ర విచారణ జరపాలని ఆయన డిమాండ్ చేశారు.