పవన్ కల్యాణ్ సారీ చెప్పాలంటూ కాలర్ ట్యూన్ : జనసేన ట్వీట్

అలాగే రాష్ట్రం వాలంటీర్లను ఉద్దేశిస్తూ.. మీరు కలెక్ట్ చేసిన డేటా దేనికి వాడుతున్నారో వాలంటీర్లు గ్రహించాలని సూచించింది. రాష్ట్ర ప్రజల వ్యక్తిగత డేటా థర్డ్ పార్టీకి లీకవుతున్న విషయాన్ని పోలీస్ అధికారులు సుమోటాగా తీసుకుని విచారణ చేపట్టాలని జనసేన శతాఘ్ని టీమ్ కోరింది. ఈ ట్వీట్ కు జత చేసిన వీడియోలో.. ఒక ఫోన్ కాల్ రికార్డ్ ను యాడ్ చేసింది. అందులో ఫోన్ కాల్ రింగ్ కు బదులు.. పవన్ కల్యాణ్ వాలంటీర్లపై చేసిన వ్యాఖ్యలను వెనక్కి తీసుకుంటూ.. సారీ చెప్పే వరకూ పోరాడదాం అంటూ చెప్పే ఒక కాలర్ ట్యూన్ వినిపిస్తుంది. ఈ ట్వీట్ పై నెటిజన్లు రకరకాలుగా స్పందిస్తున్నారు. "ఎంత చేతకాని దద్దమ్మలు కాకపోతే..ఫోన్ రింగ్ అవడం, ట్యూన్ సాంగ్ రావడమూ తీసేసి పవన్ sorry చెప్పాలంట..అది ఫిక్స్ చేశారు ycp పెట్టిన వాలంటీర్ వైసీపీ govt కార్యకర్తలే అని ycp ఎమ్మెల్యే లు అంటారు..salary govt హే ఇస్తుంది,మరి govt pk చేసినా విమర్శలు తప్పయితే action తీసుకోవట్లేదు ఎందుకు" అని ఒకరు కామెంట్ చేయగా.. మరొకరు "ఆ ఫోన్ నంబర్ హైద్రాబాద్ కోడ్‌లా వుందేంటీ.? హైద్రాబాద్ నుంచి ఆంధ్రప్రదేశ్ ప్రజల్ని బ్లాక్‌మెయిల్ చేస్తున్నారా.?" అని ప్రశ్నించారు.

కాగా.. రాష్ట్రంలో కొందరు వాలంటీర్లు ప్రజల వ్యక్తిగత డేటాను థర్డ్ పార్టీకి చేరవేస్తూ.. హ్యూమన్ ట్రాఫికింగ్ కు సహకరిస్తున్నారని జనసేన అధినేత పవన్ కల్యాణ్ ఏలూరు బహిరంగ సభలో చేసిన వ్యాఖ్యలు తీవ్రదుమారం రేపాయి. ఈ వ్యాఖ్యలకు నిరసనగా రాష్ట్రవ్యాప్తంగా వాలంటీర్లు పవన్ కల్యాణ్ దిష్టిబొమ్మలు దగ్ధం చేసి, వెంటనే తమకు క్షమాపణలు చెప్పాలని ఆందోళనలు చేశారు. అధికార పార్టీ మంత్రులు సైతం పవన్ వ్యాఖ్యలపై నిప్పులు చెరిగారు. విజయవాడ కృష్ణలంక పీఎస్ లో ఓ వాలంటీర్ ఫిర్యాదు మేరకు పవన్ పై కేసు కూడా నమోదు చేశారు. పవన్ కల్యాణ్ - వైసీపీ లకు మధ్య జరుగుతున్న ఈ డేటాలీక్ వ్యవహారం ఎంతకు దారితీస్తుందో చూడాలి.