రిమాండ్ పొడిగింపు

చంద్రబాబు రిమాండ్ ను ఈ నెల 24వరకూ పొడిగిస్తున్నట్లు న్యాయమూర్తి ప్రకటించారు. మిమ్మల్ని కస్టడీకి అడుగుతున్నారని, మీ న్యాయవాదులు మాత్రం కస్టడీ అవసరం లేదని చెబుతున్నారని జడ్జి చంద్రబాబుకు తెలిపారు. ఎల్లుండి వరకూ జ్యుడిషియల్ కస్టడీలోనే మీరు ఉంటారని జడ్జి పేర్కొన్నారు. తనను అకారణంగా జైల్లో పెట్టారని, తన బాధ, ఆవేదన అంతా అదేనని ఆయన తెలిపారు. తన గురించి రాష్ట్ర ప్రజలందరికీ తెలుసునని చెప్పారు. మీపై కేవలం ఆరోపణలు మాత్రమే వచ్చాయని, దర్యాప్తులో అన్ని విషయాలు తేలతాయి అని కూడా న్యాయమూర్తి అన్నట్లు తెలిసింది. చంద్రబాబు చెప్పిన విషయాలను నోట్ చేసుకున్నానని న్యాయమూర్తి తెలిపారు. జైల్లో ఇబ్బందులు ఎదురయితే తనకు చెప్పాలని న్యాయమూర్తి చంద్రబాబుతో అన్నారు.