పిన్నెల్లీ..నువ్వు దాడులు చేయించింది నిజం కాదా?

హైదరాబాద్‍లో మీడియాతో మాట్లాడినా పిన్నెల్లిపై చర్యలు లేవని, పిన్నెల్లిపై పోలీసులు ఇప్పటివరకు ఎలాంటి చర్యలు తీసుకోలేదని, ఎస్సీ, ఎస్టీ, బీసీలపై మాచర్లలో దాడులు చేశారని టీడీపీ అభ్యర్థి జూలకంటి బ్రహ్మారెడ్డి ఆరోపించారు. ప్రభుత్వం ఇచ్చిన భూములను పిన్నెల్లి కబ్జా చేశారని, మాచర్ల నియోజకవర్గంలో వైసీపీ మూకలు దాడులు చేశాయని, వైసీపీ దాడుల్లో 74 మంది ఎస్సీ, ఎస్టీ, బీసీలు గాయపడ్డారన్నారు. దాడిచేసి.. పోలీసు అధికారులకు కులం అంటగట్టి మాట్లాడతారా? అంటూ ప్రశ్నించారు. అధికారుల జాబితా పంపింది, నియమించింది మీ ప్రభుత్వమే కదా? అని నిలదీశారు. తన ఇంటి వద్ద ఇద్దరు కానిస్టేబుళ్లను పెట్టి గృహనిర్బంధం చేశారని, చట్టాన్ని గౌరవించి తాను ఇంట్లోనే ఉండిపోయానని చెప్పారు.