మరోసారి హైకోర్టుకు అవినాష్‌రెడ్డి

ఇప్పటి వరకు సీబీఐ నాలుగు సార్లు అవినాష్ రెడ్డిని విచారించింది. వివేకా హత్య కేసులో విచారణకు హాజరుకాకుండా మినహాయింపు కోసం గతంలో అవినాష్ రెడ్డి తెలంగాణ హైకోర్టును ఆశ్రయించారు. అయితే అవినాశ్‌రెడ్డికి మినహాయింపు ఇచ్చేందుకు న్యాయస్థానం నిరాకరించింది. తన పిటిషన్‌పై తీర్పు వచ్చేవరకు విచారించకుండా అడ్డుకోవాలన్న ఆయన అభ్యర్థననూ తోసిపుచ్చింది. అయితే తీర్పు వెలువరించేదాకా ఆయన్ను అరెస్టు చేయొద్దని సీబీఐని ఆదేశించిన విషయం తెలిసిందే. ఈనేపథ్యంలో అవినాష్ రెడ్డి మరోసారి హైకోర్టును ఆశ్రయించి వీడియో, ఆడియో రికార్డులను కోరారు. ఒక వర్గం మీడియా తన విచారణను వక్రీకరిస్తుందని అవినాష్‌రెడ్డి ఆరోపిస్తున్న నేపథ్యంలో ఈ పిటీషన్ వేసినట్లు తెలిసింది.