ఆ చిరుత చిక్కేసింది

తిరుమలలో చిరుత చిక్కింది. చిన్నారి లక్షితను లాక్కెళ్లి చిరుత దాడి చేసి చంపేసిన ఘటనను ప్రజలు జీర్ణించుకోలేకపోతున్నారు. ఎలాగైనా చిరుతను పట్టుకోవాలని అటవీశాఖ అధికారులు ప్రయత్నాలు మొదలుపెట్టారు. ఆ సమీపంలో బోను ఏర్పాటు చేశారు. ఆ బోనులో ఆదివారం అర్థరాత్రి చిరుత చిక్కింది. అలిపిరి నడక దారిలోని ఏడో మైలు దగ్గర ఏర్పాటు చేసిన బోనులో చిరుత కనిపించింది. చిరుత వయసు ఐదేళ్లు ఉంటుందని చెబుతున్నారు. చిరుత చిక్కడంతో అధికారులు కూడా ఊపిరి పీల్చుకున్నారు. ఈ చిరుతను తీసుకెళ్లి దూరంగా అటవీ ప్రాంతంలో విడిచిపెట్టనున్నారు. జూన్ నెలలో కూడా ఓ చిన్నారిపై చిరుత దాడి చేసింది. అప్పుడు కూడా బోను ఏర్పాటు చేయగా చిరుత చిక్కింది. దానిని బంధించి కళ్యాణ్ ట్యాంకు సమీపంలోని అటవీ ప్రాంతంలో విడిచిపెట్టారు.