Local News: ఘనంగా తాళ్లచెరువు సెమీ క్రిస్మస్ వేడుకలు

గుంటూరు విద్యానగర్ సక్సెస్ స్కూల్ లో ఆదివారం తాళ్లచెరువు గ్రామస్తులు సాయంత్రం సమయంలో సెమీ క్రిస్మస్ వేడుకలను ఘనంగా నిర్వహించారు. గుంటూరు సిటీలోని వివిధ ప్రాంతాలలో నివసిస్తున్న తాళ్ళచెరువు గ్రామస్తులు అందరూ ఒకచోటకు చేరి సెమీ క్రిస్మస్ వేడుకలు జరుపుకున్నారు. ఏరువా ఎలియాస్ రెడ్డి, చిన్నపరెడ్డిల ప్రోత్సాహంతో ఈ కార్యక్రమాన్ని నిర్వహించారు. ఫాదర్ మర్రి రెడ్డి దైవ సందేశాన్ని అందిస్తూ బాల యేసు జననం లోకానికే వెలుగులను నింపిందన్నారు. ఏసుక్రీస్తు బోధనలు అనునిత్యం అనుసరించదగిన మార్గదర్శకాలని అన్నారు. ఫాదర్ థామస్ రెడ్డి మాట్లాడుతూ పవిత్ర గ్రంథంలోని ప్రతి వాక్యం కూడా దేవుని మాటలని ప్రతి విశ్వాసి ఆచరించి ఇరుగుపొరుగు వారికి సహాయ పడాలని కోరారు. కార్యక్రమానికి వై రాజారెడ్డి, జి.బాలశివరెడ్డి, పి సుధాకర్ రెడ్డి, కాసులౌర్డు రాణి, సంజీవరావు, కోటేశ్వరరావు, రామారావు, రవి హాజరయ్యారు. ఈ వేడుకలలో సుమారు 500 మంది గ్రామస్తులు పాల్గొన్నారు. ఫాదర్ రాయప్ప, ఫాదర్ అబ్రహం, ఫాదర్ తామస్ రెడ్డి, భాస్కర్ రెడ్డి,జాన్సన్ ఈ కార్యక్రమంలో భాగమయ్యారు.