ఆ రోడ్ల మీద తిరిగితే జేబులో డబ్బులన్నీ హుష్

సెప్టెంబరు నెల వరకు ఒకసారి వెళితే కారుకు160 రూపాయలు, తిరుగు ప్రయాణంలో ఎనభై రూపాయలు చెల్లిస్తే సరిపోయేది. 24 గంటల్లో ఎన్ని సార్లు తిరిగినా టోల్ ఫీజు చెల్లించాల్సిన అవసరం ఉండేది కాదు. కానీ అక్టోబరు నుంచి అమలులోకి వచ్చిన కేంద్ర ప్రభుత్వ కొత్త నిబంధనల ప్రకారం ఎన్నిసార్లు తిరిగితే అన్నిసార్లూ ఒకవైపు పూర్తి ఫీజు, రెండోసారి సగం ఫీజు చొప్పున టోల్ పీజు వసూలు చేస్తున్నారు. విజయవాడ-గుంటూరు మధ్య నిత్యం వందలమంది వాహనాల్లో రాకపోకలు సాగిస్తుంటారు. వారిపై టోల్ భారం పడుతుంది. దీంతో ఈ రహదారిపై ప్రయాణంతో జేబులుకు చిల్లుపడుతుందని వాహనదారులు ఆవేదన వ్యక్తం చేస్తున్నారు.