అమరావతి రైతుల ఆందోళనపై మంత్రి నారాయణ ఏమన్నారంటే?

అమ‌రావ‌తిలో కాలుష్య భ‌రిత‌మైన ప‌రిశ్ర‌మ‌లు కాకుండా స్మార్ట్ ఇండ‌స్ట్రీలు ఏర్పాటు చేసి పెద్ద ఎత్తున ఉద్యోగాలు క‌ల్పించాల‌ని ముఖ్యమంత్రి చంద్ర‌బాబు ల‌క్ష్యంగా పెట్టుకున్నార‌ని మంత్రి తెలిపారు. స్మార్ట్ ఇండ‌స్ట్రీస్ ఏర్పాటు కోసం విదేశీ పెట్టుబ‌డిదారులు అమ‌రావ‌తికి రావ‌ల్సి ఉంటుంద‌ని,అందుకోస‌మే ఫ్లైట్ క‌నెక్ట‌విటీ ఉండేలా ఎయిర్ పోర్ట్ నిర్మాణం చేయాల‌ని ముఖ్యమంత్రి చంద్ర‌బాబు నిర్ణ‌యించిన‌ట్లు మంత్రి నారాయ‌ణ తెలిపారు.అంత‌ర్జాతీయ విమానాశ్ర‌యం ఏర్పాటుకు ఐదు వేల ఎక‌రాల భూమి అవ‌స‌రం అన్నారు.అయితే దీనికోసం భూసేక‌ర‌ణ చేయాలా? .ల్యాండ్ పూలింగ్ చేయాలా అనే దానిపై ఇంకా నిర్ణ‌యం తీసుకోలేద‌న్నారు. ఇప్ప‌టికే అమ‌రావ‌తిలో 64 వేల కోట్ల ప‌నుల‌కు ప‌రిపాల‌నా ఆమోదం ల‌భించింద‌ని,చాలా వ‌ర‌కూ టెండ‌ర్లు పూర్త‌యి ప‌నులు కూడా ప్రారంభ‌మ‌య్యాయ‌ని చెప్పారు.