అసంపూర్తిగా ముగిసిన చర్చలు

ఓపీఎస్ పై చర్చిద్దామంటేనే తాము సమావేశానికి వచ్చామని ఉద్యోగ సంఘాలు తెలిపాయి. సీపీఎస్ లో ప్రభుత్వం వటా ఇంత వరకూ ఇవ్వడం లేదన్నారు. చర్చలకు పిలిచి మళ్లీ మంత్రులు జీపీఎస్ గురించే మాట్లాడుతున్నారన్నారు. దానిపై మాట్లాడితే ఇక అసలు చర్చలకు పిలవవద్దని చెప్పినట్లు ఉద్యోగ సంఘాలు తెలిపాయి. ఉపాధ్యాయులపై పెట్టిన అక్రమ కేసులు ఎత్తివేయాలని తాము కోరామన్నారు. మరో మిలియన్ మార్చ్ ద్వారా సీపీఎస్ ను తరిమికొట్టాలని భావించామని, సీఎం ఇల్లు ముట్టడి నెపాన్ని చూపి తమకు ఏమాత్రం సంబంధం లేకపోయినా కేసులు పెట్టారన్నారు. సెప్టంబరు 11న పోలీసులు అనుమతిస్తేనే మిలియన్ మార్చ్ ఉంటుందని, లేకుంటే మరోసారి వాయిదా వేస్తామని ఉద్యోగ సంఘాల నేతలు చెప్పారు.