ఎట్టకేలకు వీడిన రాధిక మిస్సింగ్ మిస్టరీ.. ఆమె ఎక్కడికి వెళ్లిందంటే..?

రాధిక కనిపించకపోవడంతో ఆమె కుటుంబాన్ని ఎక్కడలేని బాధ వెంటాడుతూ వచ్చింది. మా కూతురు ఎక్కడ ఉందో చెప్పాలని అధికారులను ఆమె తల్లిదండ్రులు వేడుకున్నారు. అయితే కనిపించకుండా పోయిన ఆమె మావోయిస్టులలో చేరినట్లు తాజాగా తెలిసింది. బుధవారం నాడు మావోయిస్ట్‌లలో చేరినట్లుగా ఓ లేఖను మీడియాకు విడుదల చేయడంతో రాధిక కనిపించకుండా పోయిందన్న విషయంపై మిస్టరీ వీడింది. తాను కనిపించకుండా పోయాననే వార్తల్లో ఎటువంటి నిజం లేదని.. నేను మావోయిస్టులతో కలిసి పని చేస్తున్నానని రాధిక నుండి లెటర్ వచ్చింది. రాధిక రాసిన లేఖలో 'నేను అదృశ్యం కాలేదు, మావోయిస్టుల్లో చేరాను' అని రాసి ఉంది. ఇటీవల సెర్చ్ ఆపరేషన్లు నిర్వహించిన ఎన్ఐఏ ప్రజాప్రతినిధులు, మహిళా సంఘాల ప్రతినిధులపై నిత్యం వేధింపులకు పాల్పడుతున్నాయని కూడా ఆమె లేఖలో పేర్కొన్నారు.