తొలిసారి ఆ భేటీ నిర్వహించిన నారా భువనేశ్వరి

రాజమండ్రి లో తెలుగుదేశం పార్టీ ముఖ్యనేతలతో సమావేశం అయ్యారు నారా భువనేశ్వరి. చంద్రబాబు బెయిల్ కు ఇంకొంచెం సమయం పట్టే అవకాశం ఉండడంతో భవిష్యత్తు కార్యచరణపై ముఖ్య నేతలతో సమావేశం అయ్యారు భువనేశ్వరి. టీడీపీ అధినేత చంద్రబాబు అరెస్ట్ కావడం, రాజమండ్రి సెంట్రల్ జైల్లో రిమాండ్ ఖైదీగా ఉన్న నేపథ్యంలో మిగతా కుటుంబసభ్యులు కూడా రాజకీయాల్లో యాక్టివ్ అవుతున్నారు. చంద్రబాబు సతీమణి నారా భువనేశ్వరి తొలి సారి పార్టీ నేతలతో సమావేశం నిర్వహించారు. రాజమండ్రి జైలులో ఉన్న చంద్రబాబును కలిసిన భువనేశ్వరి ఆ వెంటనే పార్టీ కేడర్ కు భరోసా ఇచ్చారు. ఇప్పుడు తనయుడు లోకేశ్ తో కలిసి తాజా పరిస్థితులపైన సమీక్షించారు.