పిచ్చోడు లండన్ కి... మంచోడు జైలుకి: నారా లోకేష్

యువగళం పాదయాత్రలో ఉన్న లోకేశ్ వెంటనే తండ్రి చంద్రబాబు నాయుడు వద్దకు వెళ్లేందుకు ప్రయత్నించారు. పోలీసులు అడ్డుకోవడంతో పొదలాడ వద్దే నిలిచిపోయారు. నా తండ్రిని చూడ్డానికి నేను వెళ్లకూడదా? అంటూ లోకేశ్ పోలీసులను ప్రశ్నించారు. అయితే పోలీసులు అందుకు సమాధానం చెప్పలేదు. నా వెంట నాయకులు ఎవరు రావడం లేదు... కుటుంబ సభ్యుడిగా నేను ఒక్కడినే వెళ్తున్నా... అడ్డుకునే హక్కు మీకు ఎవరు ఇచ్చారు అంటూ పోలీసులను నిలదీశారు. "పిచ్చోడు లండన్ కి... మంచోడు జైలుకి... ఇది కదా రాజారెడ్డి రాజ్యాంగం!" అంటూ వ్యాఖ్యలు చేశారు. "ఎఫ్ఐఆర్ లో పేరు లేదు... ఎందుకు అరెస్ట్ చేస్తున్నారో తెలియదు... మిగిలేది కేవలం లండన్ పిచ్చోడి కళ్లలో ఆనందం. నువ్వు తల కిందులుగా తపస్సు చేసినా చంద్రుడిపై అవినీతి మచ్చ వెయ్యడం సాధ్యం కాదు సైకో జగన్" అంటూ లోకేశ్ తీవ్ర విమర్శలు చేశారు.