రఘురామ కృష్ణరాజుకు సుప్రీంకోర్టు షాక్

నరసాపురం ఎంపీ రఘురామ కృష్ణరాజుకు సుప్రీంకోర్టులో చుక్కెదురయింది. తన సెక్యూరిటీ సిబ్బందిపైన, కుమారుడిపైన దాఖలయిన ఎఫ్ఐఆర్ ను రద్దు చేయాలని ఆయన సుప్రీంకోర్టులో పిటీషన్ వేశారు. అయితే దీనిని సుప్రీంకోర్టు తిరస్కరించింది. పిటీషన్ ను డిస్మస్ చేసింది. హైదరాబాద్ లోని రఘురామ కృష్ణరాజు ఇంటివద్ద ఒక వ్యక్తిని పట్టుకుని సెక్యూరిటీ సిబ్బంది నిర్బంధించారు. అయితే అతను ఏపీ ఇంటలిజెన్స్ కానిస్టేబుల్ అని తేలింది. అతనిపై రఘురామ కృష్ణరాజు సిబ్బందితో పాటు ఆయన కుమారుడు కూడా దాడి చేశారన్న ఫిర్యాదు మేరకు గచ్చిబౌలి పోలీస్ స్టేషన్ లో ఎఫ్ఐఆర్ దాఖలయింది.