Thu Nov 14 2024 20:45:01 GMT+0000 (Coordinated Universal Time)
ఒక్కసారిగా పెరిగిన రద్దీ
తిరుమలలో భక్తుల రద్దీ పెరిగింది. ఒక్కసారిగా భక్తుల రాకతో క్యూ లైన్లన్నీ కిటకిటలాడిపోతున్నాయి.
తిరుమలలో భక్తుల రద్దీ పెరిగింది. ఒక్కసారిగా భక్తుల రాకతో క్యూ లైన్లన్నీ కిటకిటలాడిపోతున్నాయి. బ్రహ్మోత్సవాలు ముగిసిన వెంటనే భక్తుల రద్దీ కొంత తగ్గుతుందని భావించినా అసాధారణంగా సంఖ్య పెరిగింది. శ్రీవారిని దర్శించుకునేందుకు ఇతర రాష్ట్రాల నుంచి భక్తులు అధిక సంఖ్యలో వస్తుండటంతో తిరుమల కొండ గోవింద నామస్మరణలతో కిటకిటలాడిపోతుంది.
ఆదాయం...
నిన్న తిరుమల శ్రీవారిని 66,336 మంది భక్తులు దర్శించుకున్నారు. వీరిలో 25,857 మంది భక్తులు తమ తలనీలాలను సమర్పించి మొక్కులు చెల్లించుకున్నారని తిరుమల తిరుపతి దేవస్థానం అధికారులు తెలిపారు. నిన్న తిరుమల శ్రీవారి హుండీ ఆదాయం 2.24 కోట్ల రూపాయలు వచ్చిందని తెలిపారు. ఈరోజు వైకుంఠం క్యూ కాంప్లెక్స్‌లోని 12 కంపార్ట్‌మెంట్లలో భక్తులు స్వామి వారి దర్శనం కోసం వేచి చూస్తున్నారు. సర్వదర్శనం క్యూ లైన్‌లో ఉన్న భక్తులకు శ్రీవారి దర్శనం పన్నెండు గంటల సమయం పడుతుందని అధికారులు తెలిపారు.
Next Story
