Tirumala : గోవిందా... కరుణించవా సామీ.. కనికరించు తండ్రీ

ఈరోజు తిరుమలలోని వైకుంఠం క్యూ కాంప్లెక్స్ లోని అన్ని కంపార్ట్ మెంట్లలో భక్తులు నిండిపోయారు. బయట ఏటీసీ వరకూ క్యూ లైన్ లు విస్తరించి ఉన్నాయి. క్యూ లైన్ లో ఉన్న భక్తులకు శ్రీవారి సేవకులు ఉచిత ప్రసాదాన్ని అందచేస్తున్నారు. మంచినీరు అందిస్తున్నారు. భక్తులు ఇబ్బంది పడకుండా అన్ని చర్యలు తీసుకుంటున్నట్లు అధికారులు తెలిపారు. ఈరోజు ఉచిత దర్శనం క్యూ లైన్ లోకి ఉదయం ఏడు గంటలకు ప్రవేశించిన భక్తులకు తిరుమల శ్రీవారి దర్శనం పద్దెనిమిది గంటల సమయం పడుతుందని తిరుమల తిరుపతి దేవస్థానం అధికారులు తెలిపారు. నిన్న తిరుమల శ్రీవారిని 63,826 మంది భక్తులు శ్రీవారిని దర్శించుకున్నారు. వీరిలో 27,530 మంది భక్తులు తలనీలాలను సమర్పించి మొక్కులు చెల్లించుకున్నారు. నిన్న తిరుమల శ్రీవారి హుండీ ఆదాయం 4.23 కోట్ల ఆదాయం వచ్చిందని తిరుమల తిరుపతి దేవస్థానం అధికారులు తెలిపారు