Tirumala : తిరుమలలో ఒక్కసారిగా పెరిగిన రద్దీ.. దర్శనం కష్టమేనా?

తిరుమల ఎప్పుడూ రద్దీగానే ఉంటుంది. అందులో శని, ఆదివారాలు ఇంకా రద్దీగా ఉంటుంది. సెలవులతో పాటు శ్రీనివాసుడికి ఇష్టమైన శనివారం వడ్డీకాసుల వాడిని దర్శించుకుంటే మంచి జరుగుతుందని అందరూ విశ్వసిస్తారు. అందుకే ఈ రెండు రోజుల పాటు తిరుమలలో సీజన్ తో నిమిత్తం లేకుండా భక్తుల రద్దీ ఉంటుంది. ఈరోజు తిరుమలలోని వైకుంఠం క్యూ కాంప్లెక్స్ లోని పది కంపార్ట్ మెంట్లలో భక్తులు శ్రీవారి దర్శనం కోసం వేచి ఉన్నారు. ఉచిత దర్శనం క్యూ లైన్ లోకి ఉదయంఏడు గంటలకు టోకెన్లు లేకుండా ప్రవేశించిన భక్తులకు శ్రీవారి దర్శనం పద్దెనిమిది గంటల సమయం పడుతుందని తిరుమల తిరుపతి దేవస్థానం అధికారులు తెలిపారు. టైమ్ స్లాట్ దర్శనం భక్తులకు మూడు గంటల సమయం పడుతుంది. మూడు వందల రూపాయల ప్రత్యేక దర్శనం టిక్కెట్లను కొనుగోలు చేసిన భక్తులకు శ్రీవారి దర్శనం మూడు నుంచి నాలుగు గంటల సమయం పడుతుందని అధికారులు తెలిపారు. నిన్న తిరుమల శ్రీవారిని 62,147 మంది భక్తులు దర్శించుకున్నారు. వీరిలో 23,096 మంది భక్తులు తమ తలనీలలాలను సమర్పించుకుని మొక్కులు చెల్లించుకున్నారు. నిన్న తిరుమల శ్రీవారి హుండీఆదాయం 3.77 కోట్ల రూపాయల ఆదాయం వచ్చిందని అధికారులు తెలిపారు.