Tirumala : తిరుమలలో జరుగుతున్న ఆ ప్రచారాలన్నీ...అవాస్తవాలే... నమ్మొద్దండి

తిరుమలలో శ్రీవారి అన్న ప్రసాదాల విషయంలో జరుగుతున్న ప్రచారాన్ని నమ్మవద్దని తిరుమల తిరుపతి దేవస్థానం అధికారులు కోరారు. సోషల్ మీడియాలో వచ్చే వార్తలను విశ్వసించవద్దని భక్తులకు టిటిడి విజ్ఞప్తిచేసింది. తిరుమల శ్రీవారికి నివేదించే అన్నప్రసాదాలు సేంద్రియ బియ్యం వాడకాన్ని నిలిపివేసి గతంలో వినియోగించే బియ్యాన్ని వాడాలని టీటీడీ నిర్ణయించిందని, అదేవిధంగా అన్నప్రసాదాల దిట్టంకూడా పెంచాలని టీటీడీ నిర్ణయించిందని సోషల్ మీడియాలో ఒక వార్త వైరల్ అవుతుందని, ఇది పూర్తిగా అసత్యమని టీటీడీ ఈవో జె శ్యామల రావు తెలిపారు.