చిత్తూరు జిల్లా లో ఘోర రోడ్డుప్రమాదం,8 మంది దుర్మరణం..!!

శుక్రవారం మధ్యాహ్నం.. చిత్తూరు పలమనేరు రోడ్డు లోని మొగలి ఘాటు వద్ద ఘోర రోడ్డుప్రమాదం జరిగింది...ఈ సంఘటన లోఎనిమిది మంది మరణించారు..30 మందికి పైగా గాయాల పాలు అయ్యారు క్షత గాత్రులను చిత్తూరు, పలమనేరు, బంగారు పాళ్యం ఆస్పత్రులకు తరలించారు..!!

మృతుల సంఖ్య మరింత పెరిగే అవకాశం ఉందని పోలీసులు చెబుతున్నారు..!! బంగారు పాలెం మండలం పరిధిలోని మొగలి ఘాటు లో.. రెండు లారీలు,వాటి మధ్య ఒక బస్సు వస్తుండగా..., ముందు వెళుతున్న లారీ...కమ్మీల లోడ్ తో వెళుతోంది..దీని వెనుక వస్తున్న బస్సును...దాని వెనుక వేగంగా వస్తున్న లారీ వచ్చి బలంగా గుద్ధటంతో..కమ్మీల లోడ్ తో వెళుతోన్న లారీని బస్సు ఢీకొంది.. వెంటనే లారీలో ఉన్న కమ్మీలు పక్కకు చెల్లా చెదురుగా ఎగిరిపడ్డాయి. ఈ ప్రమాదంలో బస్సులో ఉన్న వారికి ఎక్కువ ప్రాణనష్టం జరిగింది..!!

విషయం తెలుసుకున్న స్థానికులు, పోలీసులు,108 సిబ్బంది ఘటనా స్థలానికి చేరుకుని వేగవంతంగా సహాయక చర్యలు చేపట్టారు..!!

విషయం తెలుసుకున్న స్థానిక ప్రజా ప్రతినిధులు,జిల్లా కలెక్టర్ కూడా అక్కడికి చేరుకుని సంఘటనా స్థలాన్ని పరిశీలించారు.

అంతకుముందు గురువారం తిరుపతి బాకారా పేట ఘాటు రోడ్డు వద్ద జరిగిన ప్రమాదం మరువక ముందే ఈ ప్రమాదం జరగటం దిగ్భ్రాంతికి గురి చేసింది.