Breaking : విజయవాడలో జగన్ పై దాడి కేసులో నిందితుడిని గుర్తించిన పోలీసులు

వీరిని అత్యంత గోప్యంగా విచారిస్తున్నారు. అయితే ఫుట్‌పాత్ మీద వినియోగించే టైల్స్ కు వినియోగించే రాయిని దాడికి ఉపయోగించినట్లు ఆ యువకుడు చెప్పినట్లు సమాచారం. ఆ రాయి షార్ప్ గా ఉండటంతో పాటు గాయం కూడా తగులే అవకాశముండటంతో దానినే ఆ యువకుడు ఉపయోగించినట్లు చెబుతున్నారు. అజిత్ సింగ్ నగర్ ఫ్లై ఓవర్ సమీపంలో ఫుట్ పాత్ పనులు జరుగుతున్న నేపథ్యంలో అక్కడ వాడే టైల్స్ ను జగన్ పై దాడికి వినియోగించినట్లు తెలిసింది.

అధికారికంగా ఇంకా పోలీసులు ప్రకటించకపోయినా ఈ దాడికి పాల్పడింది మాత్రం ఆ ప్రాంతానికి చెందిన యువకుడే అన్నది నిర్ధారణ అయింది. అయితే వీళ్లు ఐదుగురు యువకులు ఎందుకోసం దాడికి ప్రయత్నించారు? వీరి వెనక ఎవరైనా ఉన్నారా? లేక ఆకతాయిగా ఈ పనికి పాల్పడ్డారా? అన్న దానిపై మాత్రం ఇంకా విచారణ సాగుతోంది. రాయిని జేబులో వేసుకుని జగన్ పర్యటించే ప్రాంతంలో ఉన్న వివేకానంద స్కూలుకు చేరుకున్న ఈ యువకుల బృందంలో ఒకడు ఈ దాడికి పాల్పడ్డారని పోలీసులయితే ప్రాధమికంగా నిర్ధారణకు వచ్చారు. వీరు విసిరింది ఒక రాయి మాత్రమేనని, అది ముందు జగన్ కు తగలి ఆ తర్వాత మాజీ మంత్రి వెల్లంపల్లి శ్రీనివాస్ కు తగిలిందని పోలీసులు ప్రాధమిక విచారణలో వెల్లడయింది.