నారా బ్రాహ్మణికి సలహా ఇచ్చిన రామ్ గోపాల్ వర్మ

టీడీపీ అధినేత చంద్రబాబు నాయుడుకు మద్దతుగా మోత మొగిద్దాం అనే కార్యక్రమానికి టీడీపీ శ్రీకారం చుట్టిన సంగతి తెలిసిందే!! దీనిపై నారా బ్రాహ్మణి సోషల్ మీడియాలో పోస్టు పెట్టారు. "పాలకుల అక్రమాలకు అడ్డు చెప్పకపోవడం ప్రజాస్వామ్యానికి ప్రమాదకరం. ముఖ్యంగా ప్రజలు మౌనంగా ఉంటే అన్యాయం చెలరేగిపోతుంది. అందుకే ఏపీ ప్రజలకు నా విజ్ఞప్తి! చంద్రబాబు గారి గురించి మీకు బాగా తెలుసు. ఆయన్ని అక్రమంగా నిర్బంధించడం తప్పు అని చెప్పండి. చంద్రబాబు గారికి మద్దతుగా సెప్టెంబర్ 30, రాత్రి 7 నుండి 7.05 గంటల వరకు 5 నిమిషాల పాటు వీధుల్లోకి వచ్చి గంటలు మోగించండి. లేదా ఒక పళ్లెం తీసుకుని గరిటెతో కొట్టండి. విజిల్ వేయండి. రోడ్డు ప్రయాణంలో ఉంటే హారన్ కొట్టండి. మొత్తమ్మీద ఏదో ఒక శబ్దం చేసి ప్రభుత్వానికి మీ నిరసన తెలియజేయండి" అంటూ ట్వీట్ చేశారు.