Mon Nov 25 2024 04:49:57 GMT+0000 (Coordinated Universal Time)
తిరుమలలో కొనసాగుతున్న భక్తుల రద్దీ
తిరుమలలో భక్తుల రద్దీ కొనసాగుతుంది. వీకెండ్ కావడంతో భక్తుల రద్దీ ఎక్కువగా ఉంది.
తిరుమలలో భక్తుల రద్దీ కొనసాగుతుంది. వీకెండ్ కావడంతో భక్తుల రద్దీ ఎక్కువగా ఉంది. వైకుంఠం క్యూ కాంప్లెక్స్ లోని పది కంపార్ట్‌మెంట్లన్నీ భక్తులతో నిండిపోయాయి. వీరికి శ్రీవారి దర్శనం కావాలంటే పది గంటల సమయం పడుతుందని తిరుమల, తిరుపతి దేవస్థానం అధికారులు చెబుతున్నారు. ఇక రూ.300 లు ప్రత్యేక దర్శనం టిక్కెట్లు కొనుగోలు చేసిన భక్తులకు గంట నుంచి రెండు గంటల సమయం పట్టనుంది.
ఈ నెలలోనే బ్రహ్మోత్సవాలు....
ఇక నిన్న తిరుమల శ్రీవారిని 79,833 మంది భక్తులు దర్శించుకున్నారు. వీరిలో 36,074 మంది భక్తులు తలనీలాలను సమర్పించుకుని తమ మొక్కులు తీర్చుకున్నారు. నిన్న తిరుమల శ్రీవారి హుండీ ఆదాయం 4.73 కోట్ల రూపాయలు వచ్చిందని తిరుమల తిరుపతి దేవస్థానం అధికారులు తెలిపారు. ఇక ఈ నెల చివరి నుంచి బ్రహ్మోత్సవాలు ప్రారంభం కానుండటంతో భక్తుల రద్దీ మరింత పెరిగే అవకాశముంది.
Next Story
