రద్దీ ఈరోజు ఎలా ఉందంటే?

సర్వదర్శనం టోకెన్లు లేకుండా ఈరోజు ఉదయం ఏడు గంటలకు క్యూ లైన్‌లో ప్రవేశించే భక్తులకు దర్శన సమయం పది గంటలు పడుతుందని తిరుమల తిరుపతి దేవస్థానం అధికారులు తెలిపారు. శీఘ్రదర్శనం టిక్కెట్లు కొనుగోలు చేసిన భక్తులకు రెండు నుంచి మూడు గంటల సమయం శ్రీవారి దర్శనానికి పడుతుంది. నిన్న తిరుమల శ్రీవారిని 60,699 మంది భక్తులు స్వామి వారిని దర్శించుకున్నారు. వీరిలో 23,096 మంది భక్తులు తలనీలాలను సమర్పించి తమ మొక్కులు చెల్లించుకున్నారు. నిన్న తిరుమల శ్రీవారి హుండీ ఆదాయం నాలుగు కోట్ల రూపాయలు వచ్చినట్లు అధికారులు తెలిపారు.