శుక్రవారం.. భక్తుల రద్దీ ఎంతంటే?

తిరుమలలో భక్తుల రద్దీ కొనసాగుతుంది. శుక్రవారం కావడంతో కొంత భక్తుల రద్దీ పెరిగింది. రేపు, ఎల్లుండి శని, ఆదివారాలు కావడంతో భక్తుల రద్దీ మరింత ఎక్కువగా ఉండనుంది. ఈరోజు వైకుంఠం క్యూ కాంప్లెక్స్‌లోని ఆరు కంపార్ట్‌మెంట్లలో భక్తులు స్వామి వారి దర్శనం కోసం వేచి ఉన్నారు. సర్వదర్శనం భక్తులకు ఐదు గంటల్లో శ్రీవారి దర్శనం పూర్తవుతుందని తిరుమల తిరుపతి దేవస్థానం అధికారులు తెలిపారు. ఇక టోకెన్లు లేకుండా సర్వదర్శనం క్యూ లైన్‌లోకి ఈరోజు ఉదయం ఏడు గంటలకు ప్రవేశించిన భక్తులకు మాత్రం శ్రీవారి దర్శనం పది గంటల సమయం పడుతుందని అధికారులు తెలిపారు.