Tirumala : శుక్రవారం తిరుమలలో రష్ ఎలా ఉందంటే?

ఈరోజు తిరుమలలోని వైకుంఠం క్యూ కాంప్లెక్స్‌లోని అన్ని కంపార్ట్‌మెంట్లలో భక్తులు నిండిపోయారు. భక్తుల క్యూ లైన్ టీబీసీ వరకూ విస్తరించి ఉంది. దీంతో శ్రీవారి సేవకులు క్యూ లైన్ లో ఉన్న భక్తులకు అన్న ప్రసాదాలను ఉచితంగా పంపిణీ చేస్తున్నారు. ఉచిత దర్శనం క్యూ లైన్‌లోని భక్తులకు శ్రీవారి దర్శనం పద్దెనిమిది గంటల సమయం పడుతుందని తిరుమల తిరుపతి దేవస్థానం అధికారులు తెలిపారు. టైమ్ స్లాట్ దర్శనానికి ఐదు గంటలకు పైగానే సమయం పడుతుంది. మూడు వందల రూపాయల ప్రత్యేక దర్శనం టిక్కెట్లు కొనుగోలు చేసిన భక్తులకు శ్రీవారి దర్శనం నాలుగు నుంచి ఐదు గంటల సమయం పడుతుంది. నిన్న తిరుమల శ్రీవారిని 62,529 మంది భక్తులు దర్శించుకున్నారు. వీరిలో 29,730 మంది భక్తులు తమ తలనీలాలను సమర్పించుకుని మొక్కులు చెల్లించుకున్నారు. నిన్న తిరుమల శ్రీవారి హుండీ ఆదాయం 4.51 కోట్ల రూపాయలు వచ్చిందని అధికారులు తెలిపారు.