Mon Nov 25 2024 11:27:03 GMT+0000 (Coordinated Universal Time)
తిరుమలలో పెరిగిన భక్తుల రద్దీ
తిరుమలలో భక్తుల రద్దీ కొనసాగుతుంది. వైకుంఠం కాంప్లెక్స్ లోని 11 కంపార్ట్‌మెంట్లలో భక్తులు వేచి ఉన్నారు.
తిరుమలలో భక్తుల రద్దీ కొనసాగుతుంది. తిరిగి భక్తుల రద్దీ పెరిగింది. వైకుంఠం కాంప్లెక్స్ లోని 11 కంపార్ట్‌మెంట్లలో భక్తులు వేచి ఉన్నారు. దర్శనానికి ఏడు గంటల సమయం పడుతుందని తిరుమల తిరుపతి దేవస్థానం అధికారులు చెప్పారు. రాబోయే మూడు రోజుల పాటు వీకెండ్ కావడంతో భక్తుల రద్దీ మరింత పెరుగుతుందని అంటున్నారు. భక్తులు ఎంత మంది వచ్చినా అందుకోసం అన్ని సౌకర్యాలను కల్పించనున్నామని అధికారులు తెలిపారు.
హుండీ ఆదాయం....
నిన్న తిరుమల శ్రీవారిని 67,364 మంది భక్తులు దర్శించుకున్నారు. 25,058 మంది భక్తులు తలనీలాలను సమర్పించుకుని తమ మొక్కులు చెల్లించుకున్నారు. నిన్న తిరుమల శ్రీవారి హుండీ ఆదాయం 4.21 కోట్ల రూపాయలు వచ్చిందని తిరుమల తిరుపతి దేవస్థానం అధికారులు చెప్పారు.
Next Story
