Tirumala : కలియుగ వైకుంఠంలో తగ్గని క్యూ లైన్

ఈరోజు వైకుంఠం క్యూ కాంప్లెక్స్‌లోని అన్ని కంపార్ట్‌మెంట్లన్నీ భక్తులతో నిండిపోయాయి. బయట ఏటీజీ వరకూ క్యూ లైన్ విస్తరించింది. క్యూలైన్ లో ఉన్న భక్తులకు టీటీడీ సిబ్బంది అన్న ప్రసాదాలను అందచేస్తున్నారు. ఉచిత దర్శనం క్యూ లైన్ లో ఉన్న భక్తులకు నేడు శ్రీవారి దర్శనం పద్దెనిమిది గంటల సమయం పడుతుందని అధికారులు తెలిపారు. నిన్న తిరుమల శ్రీవారిని 79,584 మంది దర్శించుకున్నారు. వీరిలో 31,848 మంది భక్తులు తలనీలాలను సమర్పించుకున్నారు. నిన్న తిరుమల శ్రీవారి హుండీ ఆదాయం 4.18 కోట్ల రూపాయల ఆదాయం వచ్చిందని తిరుమల తిరుపతి దేవస్థానం అధికారులు తెలిపారు. రేపటి నుంచి ఆదివారం కూడా భక్తుల రద్దీ కొనసాగే అవకాశముంది.