Sat Nov 23 2024 20:50:19 GMT+0000 (Coordinated Universal Time)
Tirumala : నేడు తిరుమలలో రద్దీ ఎలా ఉందంటే?
తిరుమలలో భక్తుల రద్దీ కొనసాగుతుంది. మంగళవారం కూడా భక్తుల రద్దీ అధికంగానే ఉంది
తిరుమలలో భక్తుల రద్దీ కొనసాగుతుంది. మంగళవారం కూడా భక్తుల రద్దీ అధికంగానే ఉంది. గత కొద్దిరోజులుగా తిరుమలకు భక్తులు పోటెత్తుతున్నారు. పరీక్ష ఫలితాలు వెలువడటంతో మొక్కులు చెల్లించుకోసం అధిక సంఖ్యలో భక్తులు వస్తున్నారు. వేసవి సెలవులు కూడా ముగుస్తుండటం కూడా భక్తుల రద్దీ పెరగడానికి కారణంగా చెబుతున్నారు. మూడు వందల రూపాయల ప్రత్యేక దర్శనం టిక్కెట్లు కొనుగోలు చేసిన భక్తులకు శ్రీవారి దర్శనం రెండు నుంచి మూడు గంటల సమయం పడుతుందని తిరుమల తిరుపతి దేవస్థానం అధికారులు తెలిపారు.
26 కంపార్ట్‌మెంట్లలో...
ఈరోజు తిరుమలలోని వైకుంఠం క్యూ కాంప్లెక్స్ లోని 26 కంపార్ట్‌మెంట్లలో భక్తులు శ్రీవారి దర్శనం కోసం వేచి ఉన్నారు. ఉచిత దర్శనం క్యూ లైన్ లోకి టోకెన్లు లేకుండా ప్రవేశించిన భక్తులకు శ్రీవారి దర్శనం పన్నెండు గంటల సమయం పడుతుంది. నిన్న తిరుమల శ్రీవారిని 81,831 మంది భక్తులు దర్శించుకున్నారు. వీరిలో 34,542 మంది భక్తులు తలనీలాలను సమర్పించి మొక్కలు చెల్లించుకున్నారని తిరుమల తిరుపతి దేవస్థానం అధికారులు వెల్లడించారు. నిన్నత తిరుమల శ్రీవారి హుండీ ఆదాయం 4.25 కోట్ల రూపాయలు వచ్చిందని అధికారులు తెలిపారు.
Next Story
