Tirumala : బయట వరకూ క్యూలైన్లు.. తిరుమలలో బారులు తీరిన భక్తులు.. గంటల పాటు నిరీక్షణ

ఈరోజు వైకుంఠం క్యూ కాంప్లెక్స్‌లోని అన్ని కంపార్టుమెంట్లు భక్తులతో నిండిపోయాయ.ి వెలుపల వరకూ క్యూ లైన్‌లో భక్తుల శ్రీవారి దర్శనం కోసం వేచి ఉన్నారు. ఉచిత దర్శనంలో టోకెన్‌ లేని భక్తులకు శ్రీవారి సర్వదర్శనానికి 24 గంటల సమయం పడుతుందని తిరుమల తిరుపతి దేవస్థానం అధికారులు తెలిపారు. నిన్న తిరుమల శ్రీవారిని 69,870 మంది భక్తులు దర్శించుకున్నారు. వీరిలో 42,119 మంది భక్తులు తలనీలాలు సమర్పించి తమ మొక్కులు చెల్లించుకున్నారు. నిన్న తిరుమల శ్రీవారి హుండీ ఆదాయం రూ.4 కోట్ల రూపాయలు వచ్చిందని అధికారులు వెల్లడించారు. మరికొద్ది రోజుల పాటు ఇదే రష్ కొనసాగుతుందని అధికారులు అంచనా వేస్తున్నారు. క్యూలైన్లలోనే భక్తులకు ఉచితంగా అన్నప్రసాదాలను అందచేస్తున్నారు.