Tirumala : గోవిందా.. క్యూ లైన్ లోకి వెళితే.. ఒకటిన్నర రోజు ఉండాల్సిందేనా?

ఈరోజు వైకుంఠం కాంప్లెక్స్‌లోని అన్ని కంపార్ట్‌మెంట్లన్నీ భక్తులతో నిండిపోయాయి. బయట నందకం గెస్ట్‌హౌస్ వరకూ క్యూ లైన్ విస్తరించి ఉంది. ఉచిత దర్శనానికి భక్తులకు ముప్ఫయి గంటల సమయం పడుతుందని తిరుమల తిరుపతి దేవస్థానం అధికారులు వెల్లడించారు. ఒక్కసారి క్యూ లైన్ లోకి వెళితే రోజున్నర తర్వాత మాత్రమే బయటకు వస్తారు. దీంతో టీటీడీ అన్న ప్రసాదాలను భక్తులకు క్యూలైన్లలోనే అందిస్తుంది. నిన్న తిరుమల శ్రీవారిని 82,886 మంది భక్తులు శ్రీవారిని దర్శించుకున్నారు. వీరిలో 44,234 మంది భక్తులు తమ తలనీలాలను సమర్పించుకుని మొక్కులు చెల్లించుకున్నారు. నిన్న తిరుమల శ్రీవారి హుండీ ఆదాయం 4.09 కోట్ల రూపాయలు వచ్చిందని అధికారులు వెల్లడించారు.