Mon Nov 25 2024 17:31:47 GMT+0000 (Coordinated Universal Time)
తిరుమల వెళ్లే భక్తులకు అలర్ట్
తిరుమలలో భక్తుల రద్దీ కొనసాగుతుంది. ఇంటర్మీడియట్ ఫలితాలు వెలువడటంతో తిరుమలలో రద్దీ ఒక్కసారిగా పెరిగింది.
తిరుమలలో భక్తుల రద్దీ కొనసాగుతుంది. ఇంటర్మీడియట్ ఫలితాలు వెలువడటంతో తిరుమలలో రద్దీ ఒక్కసారిగా పెరిగింది. వేసవి సెలవులు కూడా ఇవ్వడంతో రానున్న రోజుల్లో మరింత రద్దీ పెరుగుతుందన్న అంచనా వేస్తున్నారు. వైకుంఠం క్యూ కాంప్లెక్స్‌లోని 11 కంపార్ట్‌మెంట్లలో భక్తులు శ్రీవారి దర్శనం కోసం వేచి ఉన్నారు. సర్వదర్శనం క్యూ లైన్‌లో ఉన్న భక్తులకు, నడకదారిన వచ్చిన భక్తులకు ఐదు గంటల్లో శ్రీవారి దర్శనం పూర్తవుతుందని తిరుమల తిరుపతి దేవస్థానం అధికారులు వెల్లడించారు. సర్వదర్శనం క్యూ లైన్‌లోకి ఎలాంటి టోకెన్లు లేకుండా ఉదయం ఏడు గంటలకు ప్రవేశించిన భక్తులకు మాత్రం శ్రీవారి దర్శనం పద్దెనిమిది గంటల సమయం పడుతుందని అధికారులు తెలిపారు.
ప్రత్యేక దర్శనం...
మూడు వందల రూపాయల శీఘ్రదర్శనం టిక్కెట్లు కొనుగోలు చేసిన భక్తులకు మూడు నుంచి నాలుగు గంటల సమయం పడుతుందని తిరుమల తిరుపతి దేవస్థానం అధికారులు తెలిపారు. నిన్న తిరుమల శ్రీవారిని 65,910 మంది భక్తులు దర్శించుకున్నారు. వీరిలో 27,836 మంది భక్తులు తలనీలాలను సమర్పించుకుని మొక్కులు చెల్లించుకున్నారని టీటీడీ అధికారులు తెలిపారు. నిన్న తిరుమల శ్రీవారి హుండీ ఆదాయం 2.80 కోట్ల రూపాయలు వచ్చిందని అధికారులు తెలిపారు. రానున్న రోజుల్లో రద్దీ మరింత పెరిగే అవకాశముందని, భక్తులు దర్శన టోకెన్లు, వసతి ఉంటేనే రావాలని టీటీడీ అధికారులు కోరుతున్నారు.
Next Story
