Wed Nov 13 2024 18:48:50 GMT+0000 (Coordinated Universal Time)
ఈరోజు శ్రీవారి దర్శనానికి సమయం ఎంతంటే?
తిరుమలలో భక్తుల రద్దీ కొనసాగుతూనే ఉంది. వీకెండ్ కావడంతో గత రెండురోజులుగా తిరుమలకు భక్తుల తాకిడి మరింత ఎక్కువయింది
తిరుమలలో భక్తుల రద్దీ కొనసాగుతూనే ఉంది. వీకెండ్ కావడంతో గత రెండురోజులుగా తిరుమలకు భక్తుల తాకిడి మరింత ఎక్కువయింది. వేసవి సెలవులు పూర్తి కావస్తుండటం, వివిధ రాష్ట్రాల్లో పరీక్షా ఫలితాలు విడుదల వంటి కారణాలతో తిరుమలలో భక్తుల రద్దీ ఏమాత్రం తగ్గడం లేదు. కరోనాతో రెండేళ్ల పాటు శ్రీవారిని దర్శించుకోలేని భక్తులు ఈ ఏడాది వచ్చి మొక్కులు తీర్చుకుంటున్నారు.
24 కంపార్ట్‌మెంట్లు...
నిన్న తిరుమల శ్రీవారిని 90,471 మంది భక్తులు దర్శించుకున్నారని తిరుమల, తిరుపతి దేవస్థానం అధికారులు చెప్పారు. 37,039 మంది భక్తులు శ్రీవారికి తమ తలనీలాలను సమర్పించుకున్నారు. నిన్న శ్రీవారి హుండీ ఆదాయం 4.13 కోట్ల రూపాయలుగా ఉంది. ప్రస్తుతం 24 కంపార్ట్‌మెంట్లు భక్తులతో నిండిపోయి ఉన్నాయి. స్వామి వారి దర్శనానికి తొమ్మది గంటల సమయం పడుతుందని అధికారులు చెబుతున్నారు.
Next Story
