Tue Nov 26 2024 04:35:04 GMT+0000 (Coordinated Universal Time)
దర్శన సమయం ఎంతంటే?
తిరుమలలో భక్తుల రద్దీ కొంత మేర తగ్గింది. మంగళవారం కావడంతో భక్తుల రద్దీ అంతగా కనిపించడం లేదు
తిరుమలలో భక్తుల రద్దీ కొంత మేర తగ్గింది. మంగళవారం కావడంతో భక్తుల రద్దీ అంతగా కనిపించడం లేదు. వైకుంఠం క్యూ కాంప్లెక్స్ లోని ఒక కంపార్ట్‌మెంట్ లో భక్తులు వేచి ఉన్నారు. సర్వదర్శనం క్యూ లైన్ లో వేచి ఉన్న భక్తులకు రెండు గంటల్లోనే దర్శనం పూర్తవుతుందని తిరుమల తిరుపతి దేవస్థానం అధికారులు వెల్లడించారు. సర్వదర్శనం టోకెన్లు లేని భక్తులకు మాత్రం శ్రీవారి దర్శనం పథ్నాలుగు గంటల సమయం పడుతుందని అధికారులు తెలిపారు.
శీఘ్రదర్శనం...
మూడు వందల రూపాయల శీఘ్ర దర్శనం టిక్కెట్లు కొనుగోలు చేసిన భక్తులకు గంట నుంచి రెండు గంటల్లో దర్శనం అవుతుందని తిరుమల తిరుపతి దేవస్థానం అధికారులు వెల్లడించారు. నిన్న తిరుమల శ్రీవారిని 61,374 మంది భక్తులు శ్రీవారిని దర్శించుకున్నారు. వీరిలో 19,691 మంది భక్తులు తలనీలాలను సమర్పించుకుని తమ మొక్కులు తీర్చుకున్నారు. నిన్న తిరుమల శ్రీవారి హుండీ ఆదాయం 4.20 కోట్ల రూపాయల ఆదాయం వచ్చిందని అధికారులు వెల్లడించారు.
Next Story
